Biografia

HAU NIA BIOGRAFIA

Naran Kompletu	Novaldia Belo Amaral
Naran Bolu	Nofi/Noval
HelaFatin	Kampung-Baru
Data Moris	HNGV,09 De Novembro De 2008
Munisipiu	Viqueque
Nasionalidade	Timorense
Religiao	Katolika

 

Ola!,amigo/a,Antes hau atu introdus hau nia biografia,uluk nanain hau la haluha hato'o agradese ba aman maromak no esperitu sabedoria nian ne'ebe akompanha ha'u no,fo i'is mai ha'u to agora hau iha faze ida ne'ebe crianca,e hau mos la haluha hato'o hau nia obrigada ba hau nia papa no mama ne'ebe mak kuida ha'u mai to'o ohin loron,ne'ebe,hanorin hau sai ema edukadu ida,sempre motiva ha'u loro-loron.ne'ebe bele loke hau nia hanoin oinsa sai ema maduro iha ohin loron.

Ha'u mos la haluha hato'o obrigada ba hau nia amigo/a sira husi eskola primaria SD.05 Komoro,no mos ba hau nia kolega sira husi ensino baziku husi sao-pedro,no mos ba hau nia kolega sira agora dadauk ami hala'o estudu hamutuk iha nivel ensinu sekundariu sao-pedro komoro dili,ne'ebe dalabarak suporta ha'u,motiva ha'u,sempre iha mai ha'u ,sempre ajuda ha'u liliu bainhira iha problema ruma iha parte nesesidade nian.

 Ha'u mos la haluha agradese ba papa nia familia no mama nia familia hakuak boot ba imi,ne'ebe dalaruma sempre fo suporta ha'u ba ha'u nia estudo mai to iha nivel sekundario ida ne'e agora tur iha banku 11ano.,ne'ebe fo ksolok sempre rona liafaun husi sira mak"Estuda no estuda,esforsu no hodi atinji buat ne'ebe mehi maske ne'e difikulidade ida ba o".

dala ida tan agradese ba papa no mama sempre iha ba ha'u,dalaruma husu ajuda iha materia balu ne'ebe hau lakomprende hau sempre konsulta ho sira,no buat ne'ebe hau halo papa ho mama kontenti mak liu husi hau nia notas ne'ebe bainhira papa ou mama ba simu iha eskola,no buat ne'ebe hau husu ba papa sempre iha hela deit mai ha'u.no hau senti apresia papa ho mama,mask simples maibe sempre esforsu mai ha'u atu tau hau iha eskola ida ne'ebe mais edukativu,kualidade  atu sai diak mai hau iha futuro ne'ebe sei mai.

diak ida ne'e mak ha'u nia liafuan agradesimento ne'ebe iha leten,no ha'u mos hakarak konta hau nia istoria husi ki'ik mai to'o iha agora.

Diak 

hanesan Biodata ne'ebe mak iha leten ne'e hau nia naran kompleto mak Novaldia Belo Amaral,hau moris iha hospital nasional guido valadares dili.munisipiu viqueque.Ha'u mai husi familia Aman naran kompleto:Duarte Amaral moris iha viqueque,suco:uma uain craic,iha loron 29 de maio 1974.No Inan Naran kompleto:Filomena da costa belo.moris iha baucau,suco:tirilolo,iha loron,27 de abril de 1989,no hau iha maun-alin hamutuk nai'n lima(5):

1.    Novaldia Belo Amaral

2.    Jetovaldio Belo Amaral

3.    Trazionaldo Belo Amaral

4.    Vitoria Belo Amaral

5.    Juvanio Belo Amaral

 Ha'u mak sai nu'udar oan dahulu iha familia nia laran.

No iha loron 23 de fevereiru de 2018,tristeza boot hafalun tomak ami iha familia uma laran e papa no mama nia familia tomak,tanba lakon hau nia alin ne'ebe tuir ha'u,no hau lakon ha'u nia alin ne'ebe,ami rua mak sai nu'udar maun no bin atu hatudu exemplar ba hau nia alin na'in tolu,maibe buat hotu la sai realidade iha tempu ne'eba.

 BAINIRA HAU SEI IHA TEMPU KI'IK

 bainhira hau sei iha tempu ki'ik hau mak labarik ida ne'ebe manha(mainoju)ba hau nia papa,no hau nia papa ba fatin ne'ebe hau sempre tuir hela deit,dalaruma hau nia papa fila kalan hau tanis,no hau uluk la lao sai hau sulan deit babain ema bolu anak rumahan/strict parents,no hau nia papa mai sai hanesan hau nia amigo ne'ebe diak loos duke hau nia mama.no bainhira hau iha tempu kiik hau nia hahalok sira mak hanesan,tanis-ten,mainoju,nakar-ten

Hau boot no hau eskola

Ha'u sei lembra bainhira ha'u iha tinan ha'at(4),ha'u la hela ho hau nia papa ho mama,maibe hau hela iha viqueque no eskola iha ne'eba ho nivel pre-eskolar durante tinan rua(2),hau hela ho hau nia apa nia maun boot,no iha tempu ne'eba hau remata hau nia nivel pre-eskolar,hau atu kontinua hau nia ensino primaria,maibe la konsege tanba hau nia papa ho mama hanoin ha'u entaun haruka hau mai dili mak kontinua hau nia eskola iha dili,no momento ne'eba hau mai iha dili iha 2016,no hau mai to'o iha dili,hau nia papa sira daftar hotu tena hau nia eskola iha sd.05 komoro hein hau atu ba eskola deit,no bainhira hau ki'ik tanba iha momento ne'eba hau mos sei lembra hau nia ekonomia falta tebes,entaun bainhira hau sei iha iha 2ano,bainhira Iha dadeer hau faan tempe goreng hafoin hau ba eskola,dalaruma ha'u ba tarde,dukur iha aula laran,no konsentrasaun ba materia la maximo razaun tanba hau iha dadeer hau hader sedu deit ajuda hau nia mama no papa.nune'e bainhira mai to'o iha 6ano.ami komesa para ona,tanba mae moras.entaun ami para faan tempegoreng.ha'u uluk labarik ida ne'ebe baruk atu eskola,no lakoi tur iha aula laran,bainhira hau remata hau nia eskolaprimaria iha tinan 2020.no hau mos uluk nakarten barukten,baruk atu estuda,mentalidade laiha,sempre iha trauma bebeik.

            No bainhira hau kontinua hau nia nivel ensino basiku  hau komesa iha inisiativa atu kontra hau nia hahalok sira ne'ebe durante tinan ne'en(6) hau iha eskola primaria,no hau komesa inisiativa,atu sai labarik ne'ebe mak mentalidade iha,badinas ba eskola,badinas estuda,hau atu kontra hasoru hau nia hahalok sira ne'ebe durante ha'u sei ki'ik susar hau hasoru difikulidade barak teb-tebes durante tinan 1,bainhira iha 8ano.hau mudansa halo ba hau nia an'n tomak,hau senti haksolok tebes,tan hau hetan oportunidade ne'ebe diak kona ba tuir kompetisaun diskursu publiku,kona ba perparasaun festa padroeiro sao-pedro,no iha ne'eba hau sei ragu-ragu,maibe hau koalia ba ha'u nia an'n "hau tenki bele se laos hau,se mak atu kontra ida ne'e"ho hau nia fiar an'n hau konsege hetan terceirolugar ba iha kompetisaun refere no iha tempu ne'eba kedas hau senti apresia tebes ho hau nia an'n no hau koalia,hau ida uluk,baruk-ten,mentalidadelaiha,baruk-ten,trauma,iha ne'ebe tena?hau agradese tebes ho hau nia an'n liu husi hau nia inisiativa hau brani kontra hasoru hau nia hahalok sira ne'e.

    No bainhira ha'u  remata hau nia estudo iha nivel ensino basiku iha eskola paroquial de sao-pedro,iha tinan 2023,no hau hakarak ba buka eskola seluk no buka ambiente foun,maibe hau la konsege tanba hau nia papa lahatan hau atu ba eskola iha do'ok,no papa dehan mai ha'u ina eskola hot-hotu ne'e hanesan de'it,diferensa mak iha professor/a sira hanorin ne'e maibe depende ba o nia esforsu,no hau mos kontinua hau nia nivel ensino sekundariu iha eskola paroquial de sao-pedro,iha tinan 2024 hau mos komesa tur iha  banku nivel ensinu Sekundariu no hau iha programa "CSH"na realidade hau senti ambiente balu foun oituan mai ha'u mak professor/a sira husi nivel ensinu sekundariu nian.no komesa hetan pratika barak,teoria,no pesquisa,no hau senti hau nia mentalidade ne'e mais aumenta no buat ne'ebe mak hau sempre dehan ba hau nia an'n hau tenki brani,no hau nia esforsu durante fulan 3 iha 1periodo hau konsege hetan 2lugar iha sala de aula,hau senti kontenti tebes,no tama ba iha 2periodo,hau mos hetan konfiansa husi ami nia professor da turma ne'ebe dehan mai hau haruka hau mak sai fali chefe da turma troka ho hau nia kolega Noel,na primeira vez hau sai chefe da turma no konsege hau mak sai chefe da turma durante iha periodo rua nia laran hau senti buat hotu lao ho diak deit,no buat ne'ebe hau dehan"koko rona uluk sira,hafoin sira rona fali o"no hau agradese iha nivel ensinu sekundariu hau komesa sai ema maduro ne'ebe sempre hanoin kritiku,husu hela deit perguntas,sempre koalia iha oin hela deit.no iha 2periodo no 3periodo hau sai melhorklasifikasaun iha ami nia turma laran. no agora dadauk hau tur iha banku nivel ensinu sekundariu iha 11ano.

buat sira iha leten ne'eba mai hau sai hanesan esperensia no materia ida mai hau,oinsa bele uza hau nia maneira ida ne'e la'o ba oin nafatin,no mos sai hanesan buat ida ne'ebe aumenta hau nia kapasidade,sai ema maduro,sai ema disciplinado.buat barak halo hau mudansa to'o agora.senti mos apresia ho hau nia an'n